Мусодираи маводи нашъаовар

Душанбе, 3 декабр. (АМИТ «Ховар», Лутфия Эшонқулова). – Кормандони Кумитаи давлатии амнияти миллии ҶТ дар ҷараёни ду амалиёти махсус дар вилояти Хатлон ва ВМКБ қариб 18 килограмм маводи нашъаоварро мусодира намуданд.Тавре ки Маркази равобити ҷамъияти Кумитаи амнияти давлатӣ хабар медиҳад, дар ноҳияи Ҳамадонии ҳамсарҳади Афғонистон 17 килограмму 500 грамм маводи гуногуни нашъаовар пайдо ва мусодира гардид. Дар ин ҷо ду сокини маҳаллӣ — Сӯҳроб Воҳидови 32 – сола ва Ҷаҳонгир Абдуназарови 24 – сола бо гумонбари қочоқи маводи нашъаовар дастгир шуданд.Дар ҷараёни амалиёти дуюм дар ВМКБ кормандони раёсати Кумитаи давлатии амнияти миллӣ дар Бадахшон се ҷавонмард – Ҷамшед Муборакшоеви 20 — сола ва ду нафар донишҷӯёни Донишгоҳи давлатии Хоруғ – Акобиршо Карамшоев ва Расул Сангмамадовро, ки як миқдор ҳашишро ба қаламрави ҷумҳурӣ ворид карданӣ буданд, дастгир намуданд.Аз рӯи ин ҳодисаҳо парвандаи ҷиноӣ кушода, тафтишот идома дорад.