Нобудсозии 213 кило маводи мухаддир

Душанбе,19 декабр.(АМИТ «Ховар»,Фарзона Достонзода)-Беш аз 213 кило маводи мухаддир чун далели шайъии 15 парвандаи ҷиноӣ,дар печи махсуси Агентии назорати маводи нашъаовари назди Президенти Ҷумҳурии Тоҷикистон 19 декабр бо роҳи сӯзонидан нобуд карда шуд. Тавре ки сомонаи расмии Агентии назорати маводи нашъаовари назди Президенти Ҷумҳурии Тоҷикистон иттилоъ дод,аз миқдори умумии мухаддироти сӯзондашуда 11 килову 128 грамми он героин буда, ҳашиш 184 килову 608 грамм, афюн 4 килову 55 грамм ва мухаддироти гуруҳи каннабис 13 килову 212 граммро ташкил дод. Ҳиссаи бештари мухаддироте, ки сӯзонида шуд, ҳашиш (зиёда аз 184 кило) буд, ки кормандони мақомоти ҳифзи ҳуқуқ ва сохторҳои қудратии кишвар дар ҷараёни созмондиҳии тадобири фаврию ҷустуҷӯӣ мусодира кардаанд. Маврид ба ёдоварист, ки аз аввали сол аз ҷониби Агентии назорати маводи нашъаовар то ҳоло 480 воситаи нашъадор сӯзонида нобуд шудааст.