О. Оқилов вазъи иншооти мелиоративиро баррасӣ кард

Душанбе, 13 декабр. (АМИТ «Ховар», Дилшодаи Хайруллоҳ).- Имрӯз дар ҳузури Сарвазири мамлакат Оқил Оқилов вобаста ба беҳсозии вазъи иншооти мелиоративӣ ва омодагӣ ба мавсими нави обёрӣ дар ноҳияи Зафарободи вилояти Суғд машварати корӣ баргузор шуд.Тавре ки таъкид шуд, дар давоми ду соли охир бо назардошти кӯҳнаю фарсуда шудани таҷҳизоти пойгоҳҳои обкашӣ дар қаламрави ноҳия вазъи корҳои обёрӣ ва таъминоти об ташвишовар гардида, хусусан соҳаи кишоварзии ноҳия ба камбудиҳои ҷиддӣ рӯ ба рӯ гардидааст.Оқил Оқилов барои ҳалли мушкилоти мавҷуда, бахусус давра ба давра аз таъмир баровардани муҳаррикҳои барқӣ ва дигар таҷҳизоти пойгоҳҳои обкашии ноҳияи Зафаробод, дарёфти манбаъҳои маблағгузории таъмири таҷҳизот, аз тариқи ҳашар ба роҳ мондани корҳои тозакунии чоҳҳои об ва дигар иншооти мелиоративӣ ба масъулин дастуру супоришҳои мушаххас дода, таъкид кард, ки барои ҳалли мушкилоту камбудиҳои рафти омодагии иншооти мелиоративии ноҳия ба мавсими нави обёрӣ тамоми тадбирҳои зарурӣ андешида шаванд.