Рӯзи байналмилалии мубориза алайҳи бемории АНМБ

Душанбе, 3 декабр. (АМИТ «Ховар», Ибодат Давлатова).- Бо мақсади боло бурдани маърифати аҳолӣ ва дастгирии шахсони бо ВНМБ/АНМБ зиндагикунанда аз соли 1988 инҷониб 1 декабр ҳамчун Рӯзи байналмилалии мубориза алайҳи бемории Аломати норасоии масъунияти бадан қайд мешавад.Бо ин мақсад дар муассисаҳои ҷумҳуриявӣ ва шаҳрӣ бахшида ба Рӯзи байналмилалии мубориза алайҳи Аломати норасоии масъунияти бадан чорабиниҳои гуногун баргузор гардиданд.Инчунин Маркази ҷумҳуриявии мубориза бар зидди бемории СПИД -и шаҳри Душанбе бо намояндагони якчанд ташкилоти ғайридавлатӣ, ки бо масъалаҳои ВНМБ фаъолият доранд, дар Маркази саломатии шаҳрии рақами 10 чорабиниҳо гузаронданд. Дар чорабинӣ намояндагони Раёсати тандурустии шаҳрӣ ва ташкилотҳои ғайридавлатӣ суханронӣ карданд ва озмунҳову бозиҳои гуногун гузарониданд. Дар илова, кормандони соҳаи тибб ба ҳозирин оид ба ВНМБ/АНМБ, бемории сил ва сироятҳои бо роҳҳои ҷинсӣ гузаранда маълумот доданд.