Сӯҳбати Ш.Саид бо В.Никитюк
Душанбе, 31 декабр. (АМИТ «Ховар», Покиза Маҳмадбекова). – Рӯзи шанбеи гузашта раиси Палатаи савдо ва саноати Тоҷикистон Шариф Саид бо Сафири Украина дар Тоҷикистон Виктор Никитюк сӯҳбат намуд. Тавре ки аз Палатаи савдо ва саноати ҷумҳурӣ ба АМИТ «Ховар» хабар доданд, ҷонибҳо имконияти ҳамкорӣ ва рушди муносибатҳои тиҷоратии ҳар ду кишварро мапвриди муҳокима қарор доданд. Сафири Украина хабар дод, ки моҳи марти соли 2013 дар шаҳри Душанбе ҷаласаи комиссияи байниҳукуматии Тоҷикистону Украина баргузор мегардад, ки ба он намояндагони аҳли тиҷорат даъват шудаанд. Ҷонибҳо ҳамчунин масоили ҳамкории байни палатаҳо, ташкили утоқҳои тиҷоратӣ, доир намудани намоишгоҳҳо ва масъалаҳои дигарро муҳокима намуданд. Шариф Саид пешниҳод намуд, ки тобистони соли 2013 намоишгоҳи Украина дар Тоҷикистон доир карда шавад. Виктор Никитюк зикр намуд, ки ин пешниҳод дар ҷаласаи комиссияи байниҳукуматӣ мавриди муҳокима қарор мегирад.
Имрӯз дар шаҳри Душанбе ҳаво то 39 дараҷа гарм мешавад
27 июл дар Донишгоҳи давлатии тиҷорати Тоҷикистон ва Донишгоҳи славянии Тоҷикистон-Русия нишасти матбуотӣ баргузор мегардад
Донишгоҳи давлатии Бохтар ҳамкории байналмилалиро бо муассисаҳои хориҷӣ густариш медиҳад
Шаҳрвандон ва соҳибкорон тавассути ПОС – терминалҳо ва ҳамёнҳои электронӣ 3,7 миллион амалиёти ғайринақдӣ анҷом доданд
Имрӯз дар баъзе ноҳияҳои Тоҷикистон чангу ғубор боқӣ мемонад
Имрӯз дар доманакӯҳҳои Тоҷикистон ҳаво то 34 дараҷа гарм мешавад
Дар ду басти истироҳатгоҳи «Дурахшон» 230 нафар кӯдакону наврасон ба фароғат фаро гирифта шуданд
Имрӯз дар водиҳои Тоҷикистон ҳаво то 32 дараҷа гарм мешавад
