«Шоме бо Низомӣ» дар Китобхонаи миллӣ

Душанбе, 25 декабр. (АМИТ «Ховар», Фирӯза Давлатова). – 25-уми декабр дар Китобхонаи миллӣ маҳфили «Шоме бо Низомӣ» доир мегардад.Дар маҳфил аз рӯи ашъори пурғановати Низомии Ганҷавӣ барнома омода гардидааст, ки дар он аз «Панҷ ганҷ», «Шамъи суханро нафасафрӯз кун», «Зи сӯзи ишқ беҳтар дар ҷаҳон чист», «Садои ишқ» ва «Дар луғати ишқ сухан ҷони мост» ва дигар ашъори шоир ҷой дода шудааст.Ашъори шоир дар иҷрои ҳунармандон Муродбек Насриддинов, Қурбоналӣ Раҳмонов, Некқадам Шоҳназаров, Малоҳат Абдуллоева, Хуршед Мустафоев, Убайдуллои Каромат ва донишҷӯёни студияи актёрии Театри давлатии академии драмаи ба номи Лоҳутӣ садо медиҳад.Ёдовар бояд шуд, ки ровии маҳфил Ҳунарпешаи мардумии Тоҷикистон Ортиқи Қодир мебошад.