Сохтмони роҳи «Шугон – Зиғар» вусъат меёбад

Душанбе, 17 декабр. (АМИТ «Ховар», Кристина Эрлих). – Марҳилаи сеюми сохтмони роҳи мошингарди «Шугон – Зиғар» идома дошта, ба ин ҷо таҷҳизоти нав ва техникаи махсус оварда шудааст. Тавре ки аз Маркази татбиқи лоиҳаи сохтмони роҳи мошингарди «Шугон – Зиғар» — и Вазорати нақлиёти ҶТ ба мухбири АМИТ «Ховар» хабар доданд, техникаи нав имкон дод, ки корҳои сохтмонӣ тезонида ва сифати кор беҳтар карда шавад. Дар ин иншоот 57 адад техникаи мухталиф мавриди истифода қарор дорад.Пудратчии асосии сохтмони роҳи мошингард ширкати «Sober» («Собир») — и Эрон мебошад. Масофаи марҳилаи сеюми лоиҳа 18,7 километрро ташкил дода, мӯҳлати иҷрои он ду сол аст. Масофаи умумии роҳ 34 километр буда, арзиши он 34 миллион доллари ИМА – ро ташкил медиҳад. Иншооти мазкур бояд дар даҳаи чоруми соли 2013 ба истифода дода шавад.