Созишномаи нави Тоҷикистону Ҷопон

Душанбе, 5 декабр. (АМИТ «Ховар», Кристина Эрлих). – Созишномаи нав ҷиҳати маблағгузории бебозгашти лоиҳаи Анҷумани кӯмаку дастгирии Ҷопон барои такмили хидматрасонии шахсони имкониятҳояшон маҳдуди Ҷумҳурии Тоҷикистон имзо гардид. Дар асоси ин созишнома бинои нави Маркази ҷумҳуриявии эҳё барои кӯдакони маъюби шаҳри Ваҳдат бунёд мегардад.Созишномаро Сафири Ҷопон дар Тоҷикистон Хироюки Имахаши ва танзимгари барномаҳои Анҷумани кӯмаку дастгирии Ҷопон дар Ҷумҳурии Тоҷикистон Йошио Накагава имзо намуданд.Дар маросими имзои созишнома сардори шӯъбаи ҳифзи тандурустии модару кӯдаки Вазорати нигаҳдории тандурустии ҶТ Азиза Хоҷаева, директори Маркази ҷумҳуриявии эҳё барои кӯдакони маъюби шаҳри Ваҳдат Қамариддин Шоев ва роҳбари Созмони ҷамъиятии «Дилшод» Сайдулло Фақеров ширкат доштанд.Хироюки Имахаши зикр намуд, ки Ҷопон ва Тоҷикистон тайи 20 соли охир ҳамкории мутақобилан муфиди дуҷонибаро дар бахшҳои мухталиф инкишоф медиҳанд.