Сухансарои бузурги тамоми қарнҳо

Декабрь 25, 2012 17:31

Душанбе, 25 декабр. (АМИТ «Ховар», Раъно Нусратуллоева).-Имрӯз дар Китобхонаи миллии Тоҷикистон бо ибтикори Вазорати фарҳанги Ҷумҳурии Тоҷикистон, Академияи илмҳои Ҷумҳурии Тоҷикистон, Китобхонаи миллии Тоҷикистон, Сафорати Ҷумҳурии Озарбойҷон дар Ҷумҳурии Тоҷикистон, Сафорати Ҷумҳурии исломии Эрон дар Ҷумҳурии Тоҷикистон бахшида ба 870-солагии сухансарои бузурги тамоми қарнҳо Ҳаким Низомии Ганҷавӣ ҳамоиши илмӣ баргузор гардид. Ҷамъомадро ноиби президенти Академияи илмҳои Ҷумҳурии Тоҷикистон Кароматулло Олимов оғоз намуд. Дар ҳамоиш вазири фарҳанги Ҷумҳурии Тоҷикистон Мирзошохрух Асрорӣ, Сафири Ҷумҳурии Озарбойҷон Аббосалӣ Гасанов дар бораи саҳми арзандаи Низомии Ганҷавӣ дар адабиёти форсу тоҷик суханронӣ намуданд. Қайд карда шуд, ки соли оянда ҳам солгарди Низомии Ганҷавӣ дар Душанбе ҷашн гирифта шавад ва аз Ҷумҳурии Озарбойҷон ҳунармандон таклиф шаванд. Сипас суханронии номзади илми филология Валӣ Самад дар мавзӯи «Низомӣ- пайвандгари руҳи тоҷикӣ ва озарӣ», суханронии номзади илми филология Шодимуҳаммад Сӯфизода дар мавзӯи «Низомӣ — саромади соқиномасароӣ дар адабиёти форсии тоҷикӣ шунида шуд. Дар як гӯшаи китобхона аз осори Низомии Ганҷавӣ китобҳо гузошта шуда буданд. Ҳамчунин китоби Низомии Ганҷавӣ «Хамса» ба Китобхонаи миллии Тоҷикистон тақдим шуд. «Хамса»-и Низомии Ганҷавӣ бо рангинии мазмун, тозагии санъат, ғановати забон, пардози сухан ва маҳорати нигорандагии муаллиф машҳур гардида, дар он масоили муҳими иҷтимоӣ ва ахлоқӣ оварда шудааст. Муаллиф мардумро ба кӯшишу кор, илму донишомӯзӣ, ғанимат донистани умр, покии ахлоқ, шарму ҳаё, ҳакиқатгӯию накӯкорӣ ва ғамхорӣ нисбат ба одамон тарғиб намуда, подшоҳонро ба адолатгустарӣ ва саховату раъиятпарварӣ ҳидоят мекунад.Китоб бо дастгирии Сафири Ҷумҳурии Озарбойҷон дар Ҷумҳурии Тоҷикистон Аббосалӣ Гасанов ба табъ расидааст. Ҳамзамон ба ифтихори 870-солагии Ҳаким Низомии Ганҷавӣ маҳфили адабӣ таҳти унвони «Шоме бо Низомӣ» доир мегардад.

Декабрь 25, 2012 17:31

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд