Тақсими замини манзилӣ дар Кӯлоб

Кӯлоб, 13 декабр. (АМИТ «Ховар», С. Холов).-Дар шаҳри Кӯлоб дар асоси қарори Ҳукумати ҶТ тақсими замини манзилӣ идома дошта, сокинони эҳтиёҷманди шаҳр тавассути қуръапартоӣ соҳиби замин мегарданд. Ба иттилои сармеъмори мақомоти иҷроияи ҳокимияти давлатии ш.Кӯлоб Нуриддин Бозоров, то ин давра тавассути комиссия ҳуҷҷатҳои 615 хонаи истиқоматии шаҳрвандони аз офати табиӣ зарардида пурра санҷида шуда, барои гирифтани қарори раиси шаҳр пешниҳод гардиданд. Баъди тадқиқ тавассути қуръапартоӣ ба 260 оилаи таркибии осебдида ва 337 нафар эҳтиёҷманд аз маҳаллаҳои навбунёд замини наздиҳавлигӣ ҷудо шуд.