Тақвияти ҳамкориҳо миёни ду ҳизб

Душанбе, 13 декабр. (АМИТ «Ховар», Манижаи Баҳромзода).-Имрӯз дар бинои «Кохи Ваҳдат» бо ибтикори намояндагони Ҳизби Коммунисти Чин ва Ҳизби Халқии Демократии Тоҷикистон брифинги ҳайати Ҳизби Коммунисти Чин оид ба Анҷумани XVIII-уми ҳизб,сиёсати дохилӣ ва хориҷии Чин баргузор гардид. Намояндаи Ҳизби Халқии Демократии Тоҷикистон,муовини раиси ҳизб Асрор Латипов мақсади асосии боздиди мазкурро дар шинос намудани аъзои Ҳизби Халқии Демократии кишвар бо ҳуҷҷатҳои Анҷумани XVIII-уми Ҳизби Коммунисти Чин ва рушди ҳамкориҳои минбаъда миёни ин ду ҳизб ном бурд.Мудири департаменти шуъбаи таблиғот ва иттилооти Кумитаи марказии Ҳизби Коммунисти Чин Чен Жуйфэн зимни мулоқот иброз дошт, ки яке аз масъалаҳои асосии рушди иқтисодии Ҷумҳурии Тоҷикистон аз густариши ҳамкориҳои тиҷоратӣ ва техникииЧину Тоҷикистон иборат аст. Ёдрас мешавем,ки Ҳизби Коммунисти Чин ҳизби калонтарин ба ҳисоб рафта, ҳамкории худро бо Ҳизби Халқии Демократии Тоҷикистон аз соли 2012 оғоз намудааст.