Таъсиси ҷойҳои нави корӣ

Душанбе, 19 декабр. (АМИТ Ховар, Заррина Саидова ). -Мувофиқи «Барномаи давлатии мусоидат ба шуғли аҳолии Ҷумҳурии Тоҷикистон дар соли 2012» таъсиси 121351 ҷойи нави корӣ пешбинӣ шудааст.Тайи нуҳ моҳи соли ҷорӣ аз ҳисоби ҳамаи сарчашмаҳо дар миқёси ҷумҳурӣ 112 070 адад ҷойи нави корӣ таъсис дода шуд, ки 92,3 фоизро аз дурнамои барнома ташкил медиҳад. Аз ҷумла, дар ВМКБ- 6582 ҷой, дар вилояти Хатлон 39341, дар Суғд 31874, дар шаҳри Душанбе 16929, дар ноҳияҳои тобеи ҷумҳурӣ 17344 ҷойи нави корӣ таъсис дода шуд.Вобаста ба соҳаҳои иқтисодиёт дар давраи ҳисоботӣ дар соҳаи сохтмон — 14625, саноат — 7285, кишоварзӣ -30560, дар нақлиёт ва алоқа — 2297, савдо, хўроки умумӣ, таъминоти моддию техникӣ -37096, дар дигар соҳаҳо 16314 ва дар соҳаҳои ғайриистеҳсолӣ 3893 ҷойи корӣ таъсис ёфтааст.Таҳлили раванди таъсиси ҷойҳои корӣ вобаста ба соҳаҳои иқтисодиёт нишон медиҳад, ки теъдоди аксари ҷойҳои корӣ ба соҳаи кишоварзӣ (27,3%) ва савдо, хўроки умумию таъминоти техникӣ (33,1фоиз) рост меояд.