Қарздории “Барқи тоҷик” аз андоз

Январь 24, 2013 10:23

Душанбе, 24 январ. (АМИТ «Ховар», Сарвинози Руҳуллоҳ) –Нусратулло Давлатов, раиси Кумитаи андози назди Ҳукумати Ҷумҳурии Тоҷикистон гуфт, ки ШСХК “Барқи тоҷик” аз калонтарин корхонаи қарздори кумита ном бурда мешавад. Ба гуфтаи Н. Давлатов, то имрӯз “Барқи тоҷик” бинобар напардохтани ҳаққи андоз аз ин кумита ба маблағи 256 млн. сомонӣ ва ё 52,7 миллион доллари амрикоӣ қарздор мебошад. НОБ “Сангтӯда -1” бо напардохтани 33 млн. сомонӣ, Вазорати мелиоратсия ва захираҳои об бо 56 млн. сомонӣ ва “Тоҷиктелеком” бо 5,5 млн. сомонӣ калонтарин корхонаҳои қарздор аз кумитаи андоз ба ҳисоб мераванд. Ба иддаои Нусратулло Давлатов дар давоми соли 2012, наздик ба 3, 5 ҳазор ва ё 3 фисади андозсупорандагон аз санҷиш гузаронида шуда, ба маблағи 272 миллион сомонӣ пинҳонкунии андозҳо ошкор шудааст, ки аз ин ҳисоб ба буҷаи кишвар 250 миллион сомонӣ ворид гардид. Ҳамчунин ба гуфтаи раиси Кумитаи андози Тоҷикистон дар пайи санҷишҳои кормандони ин ниҳод, 21 ҳазор андозсупоранда ба ҷавобгарии маъмурӣ кашида шуда, аз ин ҳисоб ба буҷа 25 миллион сомонӣ маблағ ворид шудааст, ки нисбат ба соли 2011 қариб 10 миллион сомонӣ зиёд аст.  Раиси кумитаи андози кишвар дар посух ба суоли хабарнигори АМИТ “Ховар” дар мавриди ҷой доштани тамаъҷӯӣ ва сӯйистифода аз мансабро аз ҷониби нозирони андоз рад накард. Вай афзуд, ки танҳо дар соли гузашта тибқи маълумоти мақомоти қудратӣ, ки ба онҳо пешниҳод шудааст, 12 нафар бо ҷурми тамаъҷӯӣ ва сӯйистифода аз вазифаҳояшон аз кор озод шуданд. Парвандаи 3 нафар бо сабаби кам будани гуноҳ дар прокуратура қатъ гардида, 9 нафари боқимонда бо ҳукми суд ҷазо гирифтанд.

Январь 24, 2013 10:23

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд