Ҷамъоварии беш аз 57 млн. ҳаққи суғуртавӣ

Душанбе,15 январ.(АМИТ «Ховар», Фарзона Достонзода ).-Дар давоми соли 2012 аз рӯи ҳамаи намудҳои суғурта 57 млн. 743 ҳазору 900 сомонӣ ҳаққи суғуртавӣ ворид гардид ва нақшаи пешбинишуда 129,7 фоиз иҷро шуд, — гуфт зимни нишасти матбуотӣ 15 январ муовини аввали директори КВД «Тоҷиксуғурта» Абдулло Абдуллоев. Вай афзуд, ки аз ҷумла аз рӯи намудҳои ҳатмии суғурта 41738,3 ҳазор сомонӣ ва аз рӯи намудҳои ихтиёрии суғурта 16005,5 ҳазор сомонӣ ҳаққи суғуртавӣ ворид гардид,ки мутаносибан ба 124,9 ва 144,1 фоизи нақшаи пешбинигардида баробар мебошад. Аз ҳаққи суғуртавии дар соли 2012 воридшуда 72,3 фоиз ба намудҳои ихтиёрии суғурта мансуб аст. Ин нишондиҳанда дар давраи муқоисавӣ мутаносибан 73,3 ва 26,7 фоиз мебошад.