34 фоизи аҳолии ҶТ ҷавононанд

Душанбе, 24 январ. (АМИТ «Ховар», Лутфия Эшонқулова).- «Наздик ба 6 ҳазор шаҳрванди Тоҷикистон умуман хондаю навишта наметавонанд, ки аз ин шумора 4 ҳазор нафарашон сокинони деҳоти ноҳияҳои ҷумҳуриянд»,- иттилоъ дод зимни нишасти матбуотӣ 24 январ сардори раёсати демография ва шуғли аҳолии Агентии омори назди Президенти ҶТ Абдувалӣ Қулов. «Қисмати зиёди ин гуна одамон бинобар сабаби гирифторӣ ба бемориҳое, чун халалдор гардидани шунавоӣ, биноӣ, кӯтоҳақлӣ ва дигар бемориҳо аз хондан маҳрум мондаанд»,- таъкид кард А. Қулов. А. Қулов зикр кард, ки тибқи омори навтарин саршумори умумии аҳолии ҷумҳурӣ 7 миллиону 917 нафар буда, аз ин шумора 34,5%-и аҳолиро ҷавонони то синни 30-сола ташкил медиҳанд.