49 нафар шаҳрванди ИМА дар Тоҷикистон фаъолият дорад

Январь 11, 2013 12:43

Душанбе, 11 январ. (АМИТ «Ховар», Ибодат Давлатова).- Дирӯз мулоқоти муовини сардори Хадамоти муҳоҷирати назди Ҳукумати Ҷумҳурии Тоҷикистон Саидғуфрони Абдулло бо мушовири дуввуми Сафорати Иёлоти Муттаҳидаи Амрико Эрик Ҷейкобс оид ба масъалаҳои сиёсӣ ва иқтисодӣ доир гардид. Тавре ки ба мухбири АМИТ «Ховар» сардори шуъбаи робита бо ҷомеаи ХМ ҲҶТ Абдуллоҳи Қодирӣ иттилоъ дод, дар вохӯрӣ зикр шуд, ки то имрӯз бо ФР, Ҷумҳурии Қазоқистон, Қирғизистон ва Беларус 4 созишнома ба имзо расида, бо 3 кишвар созишномаҳо тасдиқ (ратификатсия) шудаанд. Хадамоти муҳоҷират ба нақша гирифтааст, ки бо Ҷумҳурии Украина, Кореяи Ҷанубӣ ва Давлати Қатар низ созишномаҳоро ба имзо расонад. «Тибқи маълумот 1 ҳазору 573 нафар шаҳрванди Ҷумҳурии Тоҷикистон шаҳрвандии Иёлоти Муттаҳидаи Амрикоро пазируфтаанд ва Тоҷикистон аз рӯи мақом дар миёни кишварҳои Осиёи Марказӣ мавқеи 4-умро ишғол менамояд. Бояд гуфт, ки имрӯз 49 нафар шаҳрванди ИМА дар Тоҷикистон фаъолият менамоянд», зикр кард С. Абдулло.Инчунин Э. Ҷейкобс доир ба се масъалаи асосӣ: интиқоли маблағҳо, хариду фурӯши одамон ва қонуне, ки ахиран дар Федератсияи Русия оид ба омӯзиши забони русӣ ва маҳдудиятҳое, ки дар ҷараёни татбиқи он барои муҳоҷирони меҳнатӣ ба бор меоранд, пурсон шуд. Дар фарҷоми мулоқот ҷонибҳо ризоияти худро баҳри тақвияти ҳамкориҳо ва мулоқоти навбатӣ бо Консули ИМА дар Тоҷикистон ҷиҳати соддагардонӣ ва дарёфти виза барои шаҳрвандон-муҳоҷирони меҳнатии тоҷик баён доштанд, хабар дод манбаъ.

Январь 11, 2013 12:43

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд