864 ҷиноят аз ҷониби духтарон

Душанбе, 28 январ. (АМИТ «Ховар», Музаффар Рустамов).-Тибқи маълумоти омории Раёсати асноди ҳолати шаҳрвандӣ дар соли 2012 теъдоди худкушиву худсӯзӣ ба 554 адад расид, ки аз ин 287 ҳолатро худкушию худсӯзии занону духтарон ташкил дода, 112 адади он ба ноболиғон рост меояд. Ба иттилои Кумитаи кор бо занон ва оилаи назди Ҳукумати Ҷумҳурии Тоҷикистон дар соли 2012 дар ҷумҳурӣ аз тарафи занону духтарон 864 ҷиноят содир гардидааст, ки нисбат ба ҳамин давраи соли 2011 172 ҳолат зиёд мебошад. Инчунин аз ҷониби ноболиғон 625 ҷиноят содир гардидааст, ки нисбат ба ҳамин давраи соли 2011 80 ҳолат зиёд мебошад.