Анҷоми лоиҳаи USAID оид ба ислоҳоти замин
Душанбе, 24 январ . (АМИТ «Ховар», Сарвинози Руҳуллоҳ) –Фаъолияти сесолаи лоиҳаи USAID оид ба ислоҳоти замин, ки ба бунёди асоси бозори ҳуқуқи истифодабарандагони замин равона гардидааст, ба анҷом расид. Дар ин бора ба АМИТ «Ховар» аз Сафорати Амрико дар Душанбе хабар доданд. Лоиҳаи USAID аз оғози фаъолияти худ ба таҳким ва ҳимояи ҳуқуқҳои истифодабарандагони замин, рушди замина ва сохторҳои бозори ҳуқуқи истифодабарандагони замин бо роҳи пешниҳоди дастгирии техникӣ, барномаҳои омӯзишӣ, робита бо ҷомеа ва воситаҳои ахбори омма равона шуда буд. Тавре ки сафири Амрико дар Тоҷикистон Сюзан Эллиотт гуфт: “Ислоҳоти замин қисми таркибии рушди бахши кишоварзӣ аст ва кафолати ҳуқуқҳои деҳқонон ҳам дар ин самт омили асосии рушди минбаъдаи ин соҳа мебошад». Зимнан, дар давоми се соли фаъолияти лоиҳа беш аз 107 000 ҳазор нафар шаҳрванд бевосита аз кӯмаки он баҳраманд шуд. Лоиҳаи USAID оид ба ислоҳоти замин дар Тоҷикистон яке аз лоиҳаҳои сершумори кӯмакдиҳандаи USAID мебошад. Аз соли 1992 инҷониб мардуми Амрико тавассути барномаҳо ва кӯмакҳои башардӯстона барои дастгирии ниҳодҳои демократӣ, соҳаҳои тандурустӣ, маориф ва рушди иқтисодии Ҷумҳурии Тоҷикистон ба маблағи 1 миллиард доллари ИМА ироа намудааст.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






