Анҷоми ваколати масъули дафтари ХРО дар Тоҷикистон

Январь 22, 2013 17:39

Душанбе, 22 январ.(АМИТ «Ховар», Марзия Саидова).- Дар зарфи чанд соли охир ҳудуди 1400 лоиҳа бо ҷалби сармоягузорӣ аз сӯи Хазинаи рушди Оғохон дар Тоҷикистон амалӣ шудаанд, ки онҳо дорои аҳамияти минтақавӣ ва байналмилалиянд,-чунин зикр шуд дар ҷараёни мулоқоти Шукурҷон Зуҳуров –раиси Маҷлиси намояндагон бо Мунир Мералӣ- масъули дафтари Хазинаи рушди Оғохон дар Тоҷикистон. Шукурҷон Зуҳуров Мунир Мералиро бо анҷом ёфтани ваколаташ дар Тоҷикистон ба ҳузур пазируфта, барои кӯмакҳо ва ҳамкориҳои судманди ин созмон бо кишвари мо аз номи парлумон арзи сипос намуд. Мавсуф аз муҳтавои ҳамкорӣ бо ин ниҳод, хусусан лоиҳаҳое, ки дар бахши маориф, ҳифзи иҷтимоии аҳолӣ, тандурустӣ, фарҳанг, энергетика, обрасонӣ, сохтмони пулҳои мошингард, ки ҷониби Бунёди Оғохон сармоягузорӣ шуда истодаанд, изҳори қаноатмандӣ намуд. Зикр шуд, ки бунёди пулҳои иртиботӣ, ки дар минтақаи Бадахшон сохта шудаанд ва мардумони ду кишвари ҳамҷавор- Тоҷикистону Афғонистонро бо ҳам мепайванданд, яке аз беҳтарин намунаҳои ҳамкории ин созмон бо Тоҷикистон аст. Қаблан чунин пулҳо дар ноҳияҳои Дарвозу Ишкошим ва минтақаи Хоруғ мавриди истифода қарор гирифтаанд.Инчунин бунёди бузургтарин маркази исмоилиён дарДушанбе, сохтмони Донишгоҳи Осиёи Марказӣ дар Хоруғ аз фаъолияти густурдаи Бунёди Оғохон дар Тоҷикистон шаҳодат медиҳад. Мусоҳибон ҳамзамон доир ба шароиту зиндагонии исмоилиёни Тоҷикистон табодули назар карданд.  

Январь 22, 2013 17:39

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд