Баҳор дар зимистон ва ё ҳадяи ҳавои саудӣ

Душанбе, 25 январ. (АМИТ «Ховар», Марзия Саидова).- Бо вазидани ҳавои гарм аз нимҷазираи Арабистони Саудӣ ба кишварамон рӯзҳои 28-29 январ ҳарорати ҳаво дар ҷумҳурӣ боло рафта, гармии ҳаво дар қисмати ҷанубии ҷумҳурӣ- вилояти Хатлон рӯзона то 16 -20 дараҷа, дар Суғд 10-15 ва дар шаҳри Душанбе ба 15-16 дараҷа мерасад. 27 -30 ва 31 январ дар ҷумҳурӣ ҳавои абрнок боқӣ монда, боридани боронҳои кӯтоҳмуддат пешгӯӣ мешавад. Парвина Саидҷамолова –мудири шуъбаи пешгӯии боду ҳавои Муассисаи давлатии обуҳавошиносии кишвар мегӯяд, ки боло рафтани ҳарорати ҳаво дар охири моҳи январ дар ҷумҳурӣ ҳолати муқаррарист. Имрӯз 25 январ ҳавои пойтахти ҷумҳурӣ -шаҳри Душанбе рӯзона 14 ва шабона 5 дараҷа гарм мешавад.