Барқияи шодбошии Нурсултон Назарбоев ба Эмомалӣ Раҳмон

Душанбе, 7 январ. (АМИТ «Ховар»). — Президенти Ҷумҳурии Қазоқистон Нурсултон Назарбоев ба Президенти Ҷумҳурии Тоҷикистон Эмомалӣ Раҳмон барқияи шодбошӣ ирсол намуд, ки дар он аз ҷумла гуфта шудааст:«Муҳтарам Эмомалӣ Шарифович,Аз номи мардуми Қазоқистон ва шахсан аз номи худам Шуморо ба муносибати 20-умин солгарди барқароршавии муносибатҳои дипломатии байни Ҷумҳурии Қазоқистон ва Ҷумҳурии Тоҷикистон табрик менамоям. Аз лаҳзаҳои ба даст овардани истиқлолият Қазоқистон ва Тоҷикистон муносибатҳои дӯстӣ ва бародариро, ки анъанаҳои бисёрасраи таърихию фарҳангӣ доранд, мунтазам густариш медиҳанд.Дар ин ду даҳсола кишварҳои мо роҳи мушкили эъмори давлатдорӣ ва таҳкими соҳибистиқлолиро тай намуданд.Мутмаинам, кӯшишҳои якҷояе, ки ба густариши минбаъдаи муносибатҳои дуҷониба равона шудаанд, ба азнавсозии босамари Қазоқистон ва Тоҷикистон, тақвияти мавқеи байналмилалии онҳо, баланд бардоштани сатҳи зиндагии шаҳрвандони ҳарду кишвар мусоидат хоҳанд кард. Ба Шумо, муҳтарам Эмомалӣ Шарифович, тансиҳатии бардавом, саодат ва дар фаъолияти минбаъдаи муҳими давлатиатон муваффақият, ба мардуми Тоҷикистон сулҳу шукуфоӣ таманно дорам».