БМИМТ изофанависиҳоро ошкор кард

Январь 9, 2013 15:19

Душанбе, 9 январ. (АМИТ «Ховар», Бекназари Абӯбакр). — «Дар татбиқи барнома баъзе камбудиҳо аз ҷониби ташкилотҳои пудратчӣ ва сохтмонӣ ошкор ва сари вақт ислоҳ гардиданд. Аз ҷумла, 58,8 ҳазор сомонӣ изофанависӣ сари вақт ошкор ва барқарор гардид», — гуфт зимни нишасти матбуотӣ 9 январ директори Бунёди миллии иҷтимоии маблағгузории Тоҷикистон (БМИМТ) Саидаҳмад Мирзоев.Вай афзуд, ки БМИМТ аз 1 сентябри соли 2009 то 31 декабри соли 2013 марҳилаи дуюми Барномаи «Фондҳои ҷамоавӣ барои мусоидати рушди маълумоти асосӣ ва барқарорсозии инфрасохтори коммуналӣ»-ро амалӣ мегардонад, ки он татбиқи 38 лоиҳаро дарбар мегирад. Маблағи умумии ин барнома 15,9 миллион доллари ИМА буда, 15,4 миллион доллари ИМА аз ҳисоби Ҳукумати Олмон, 300 ҳазор доллари ИМА аз ҳисоби Ҳукумати Тоҷикистон ва 200 ҳазор доллари боқимонда саҳми аҳолӣ мебошад. Мавриди зикр аст, ки дар марҳилаи дуюми татбиқи барнома се гуруҳи мактабҳо – мактабҳое, ки дар вагонҳо ҷойгир шудаанд (2 мактаб), мактабҳое, ки дар хонаҳои шахсию биноҳои маъмурӣ ва ҷамъиятӣ ҷойгир шудаанд (6 мактаб) ва мактабҳое, ки дар ҳолати садамавӣ қарор доранд, бо биноҳои нави таълимӣ таъмин мегарданд. Ёдовар мешавем, ки марҳилаи дуюми Барномаи «Фондҳои ҷамоавӣ барои мусоидати рушди маълумоти асосӣ ва барқарорсозии инфрасохтори коммуналӣ» пурра ба соҳаи морифи вилояти Хатлон равона шуда, 20 ноҳияи ин вилоятро фарогир аст.

Январь 9, 2013 15:19

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд