Бунёди Маркази бонувон дар Кӯлоб

Январь 28, 2013 15:18

Душанбе, 28 январ. (АМИТ «Ховар», Дилшодаи Хайруллоҳ).-Ҳукумати Ҷопон дар чаҳорчӯбаи кӯмакҳои бебозгашти лоиҳаҳои амнияти башарӣ барои бахши аъзами аҳолӣ 111,694 доллари ИМА барои «Лоиҳаи сохтмони Маркази бонувон дар шаҳри Кӯлоб» ҷудо намуд. Ҳукумати Ҷопон бо дархости СГД «Наҷоти кӯдакон» тасмим гирифт, ки дар ҳамкорӣ бо Созмони амният ва ҳамкорӣ дар Аврупо (САҲА) таъсиси Маркази бонувон ва паноҳгоҳ дар шаҳри Кӯлобро дастгирӣ намояд. Ин маркази дуошёна аз 12 утоқ иборат буда, занон ва кӯдакони дучори зӯроварии ҷисмониро бо мақоми зисти муваққатӣ таъмин менамояд. Маркази мазкур имконияти ташкили фаъолияти ҳуқуқӣ, руҳӣ ва тиббиро ба аҳолии ниёзманд фароҳам оварда, масъалаҳои ҳалталабро баррасӣ менамояд. Гузашта аз ин, дар марказ дарсҳои омӯзишии дарздӯзӣ, таббохӣ ва компютерӣ барои занон ва духтароне, ки барояшон малакаҳои зисти иқтисодии мустақилона зарур аст, гузаронида мешаванд. Дар назар аст, ки бунёди Маркази бонувон савияи саводи ҳуқуқии бонувонро баланд бардошта, сатҳи зиндагии занон ва оилаҳои онҳоро дар минтақаҳои Кӯлоб беҳтар мегардонад.

Январь 28, 2013 15:18

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд