Чанд хабар аз хориҷи кишвар
Куштор дар Покистон Душанбе, 17 январ. (АМИТ «Ховар»).-Дар яке аз минтақаҳои кeҳистони вилояти Хайбари Покистон низомиёни нерўҳои амниятии ин мамлакат мавриди ҳамлаи силоҳбадастон қарор гирифтаанд. Тавре ки расонаҳои хабарии кишвар мегӯянд, дар ин ҳодиса 6 нафар низомии нерўҳои амниятӣ ба ҳалокат расида, 5 каси дигар захмҳои гуногун бардоштанд ва аз ҷониби гуруҳи фаврии Вазорати корҳои дохилӣ ба беморхонаи ҳарбии кишвар интиқол дода шуд. Кормандони соҳаи тибб вазъи саломатии ду нафар маҷруҳро вазнин арзёбӣ мекунанд. Намояндагони сохторҳои амниятии Ҷумҳурии Исломии Покистон ҷинояткоронеро, ки дар ин амалиёти зишт даст доштанд, мавриди ҷустуҷў қарор додаанд.Задухўрд байни низомиёни Амрико ва Афғонистон Душанбе, 17 январ. (АМИТ «Ховар»).- Ба иттилои шабакаи «Ал-ҷазира»-и давлати Қатар ҳафтаи равон дар вилояти Фароҳи Ҷумҳурии Исломии Афғонистон як гуруҳ хизматчиёни неруҳои амниятии Афғонистон ба сўйи низомиёни Амрико оташ кушоданд. Дар ҳодиса 2 кас ҳалок шуда, 4 тани дигар ҷароҳатҳои гуногун бардоштанд. Дар байни халокшудагон низомиёни Италия низ будаанд. Намояндагони ҳаракати чудоихоҳи «Толибон» изҳор доштаанд, ки пас аз анҷоми тирпарронӣ 3 нафар аз низомиёни афғон, ки дар ин амал даст доштаанд, ба гуруҳи Толибон пайвастаанд. Дар давоми соли 2012 бар асари задухўрд ва муноқишаҳои байни низомиёни Амрико ва хизматчиёни ҳарбии Ҷумҳурии Исломии Афғонистон 45 нафар низомии Амрико ба ҳалокат расидааст. Тарҷумаи Иброҳими Ҳабибуллоҳ








Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд






