Чанд хабар аз хориҷи кишвар
Нофаҳмиҳо байни ширкати «Эппл» ва «Самсунг»-и Корея Душанбе, 24 январ. (АМИТ «Ховар»).- Ба иттилои шабакаи интернетии «Kayhannews.ir» соли 2012 арзиши саҳмияҳои ширкати техникии «Эппл»-и Иёлоти Муттаҳидаи Амрико 41,8 дарсад коҳиш ёфта буд. Коршиносони ин соҳа сабабҳои асосии ин ҳолатро ба кам гардидани талаботи мизоҷон ба телефонҳои ширкати мазкур арзёбӣ менамоянд. Гуфта мешавад, ки дар айни ҳол арзиши ҳар қоғази қимматноки ширкат 50 долларро ташкил менамояд.Хотиррасон менамоем, ки як сол қабл низ саҳмияҳои ширкати «Эппл» бо чунин арзиш ба фурўш бароварда мешуданд. Таҳлилгарони соҳаи техникӣ ҳамчунин иброз медоранд, ки нофаҳмиҳо дар байни ширкати «Эппл» ва коргоҳи техникии «Самсунг»-и Кореяи Ҷанубӣ ба паст гардидани арзиши саҳмияҳои «Эппл» таъсири манфии худро расонид. Таркиш дар Чин Душанбе, 24 январ. (АМИТ «Ховар»).- Дар кони канданиҳои фоиданоки минтақаи Силзилини Ҷумҳурии Мардумии Чин таркиш ба амал омад. Бар асари ин ҳодиса 9 нафар ба ҳалокат расида, 28 каси дигар ҷароҳатҳои гуногун бардоштанд. Ду нақбкан дар рўйхати бенишонгаштагон қарор доранд. Сабабҳои асосии таркиш муайян мешаванд. Гуфта мешавад, ки дар Ҷумҳурии Мардумии Чин соҳаи нақбканӣ яке аз хатарноктарин соҳаҳо ба ҳисоб меравад. Ҳар сол бар асари таркиш ва фурў рафтани нақбҳо коргарони зиёд ба ҳалокат расида, қисми дигар захм мебардоранд. Коршиносон сабабҳои асосии ин рўйдодро дар риоя накардани қоидаҳои бехатарӣ мебинанд.Гирдиҳамоӣ дар Туркия Душанбе, 24 январ. (АМИТ «Ховар»).- Ба иттилои шабакаи «Алҷазира»-и Қатар дар шаҳри Диёрбоқири Туркия садҳо нафар занон ҷамъ омада, гирдиҳамоӣ доир намуданд. Коршиносони масоили сиёсӣ мегӯянд, ки сабаби ташкили ин амали нангин дар он аст,ки ҳафтаи равон дар шаҳри Парижи Фаронса 3 нафар занони фаъоли ҳизби коргарии Курдистонро ба ҳалокат расонданд. То ҳол ҳукуматдорони Фаронса сабабҳои ба ҳалокат расондани фаъолони курднажодро маълум накардаанд. Эътирозгарон талаб намуданд, ки вобаста ба муайян кардани сабабҳои куштор ва боздошти ҷинояткорон тафтишоти махсус гузаронида шавад. Тарҷумаи Иброҳими Ҳабибуллоҳ
Дар Бохтар таҳти унвони «Номи неки қаҳрамонон ҷовидон мемонад» конференсияи илмӣ-амалӣ баргузор шуд
САҲМИ МАН ДАР ШАҲРИ МАН. Дар панҷ моҳи соли равон дар пойтахт 37 маротиба аксияи «Тозагии соҳил» ва 34 маротиба аксияи «Тозагии маҳал» доир гардид
Дар Испания шумораи рекордии фавт аз гармӣ ба қайд гирифта шуд
Сокини ноҳияи Ҷайҳун: «Усули кишти зери плёнка дар баробари сифати маҳсулот ҳосилнокиро низ зиёд мекунад»
Имрӯз дар шаҳри Душанбе ҳаво то 32 дараҷа гарм мешавад
Кишоварзони Тоҷикобод дар беш аз 2100 гектар картошка кишт менамоянд
Имрӯз дар баъзе минтақаҳои Тоҷикистон борони кӯтоҳмуддат меборад
Имрӯз дар баъзе ноҳияҳои Тоҷикистон борони кӯтоҳмуддат меборад
Оид ба таъсири омилҳои антропогенӣ ба ҳавзаи дарёи Сурхоб дар шароити тағйирёбии иқлим машварат баргузор гардид
Бахшида ба Рӯзи Ваҳдати миллӣ бо соҳибкорони «Бозори Корвон» вохӯрӣ баргузор шуд
Дар ноҳияи Айнӣ кишти помидор бо усули обёрии қатрагӣ ба роҳ монда мешавад
Дар ноҳияи Шуғнон дар масоҳати 10 гектар боғи нави дарахтони себу зардолу бунёд гардид
