Дар Қӯлоб маҳсулоти ғайристандартӣ ошкор гардид

Кӯлоб, 11 январ. (АМИТ «Ховар», С.Холов). – Масъулини Раёсати сертификатсия ва нозироти савдои минтақаи Кӯлоб бо хабарнигорон нишасти матбуотӣ доир карданд. Ба гуфти сардори раёсат Ҳикматулло Сафаров дар ин давра аз тарафи шуъбаи санҷиш ва назорати давлатии риояи талаботи стандартҳо ва сифати маҳсулот, инчунин барои риояи қонунҳои амалкунанда, стандартҳои давлатӣ ва ҷорӣ намудани онҳо фаъолияти 800 корхонаю ташкилот ва соҳибкорон мавриди санҷиш қарор гирифта, нисбат ба соли гузашта 158 адад зиёд мебошад. Дар ин давра шуъбаи ташхиси маҳсулоти хӯрокворӣ ва хоҷагии қишлоқи раёсат 1781 ташхис гузаронид, ки дар натиҷа дар 171 ҳолат маҳсулоти санҷидашуда ғайристандартӣ дониста шуд. Инчунин дар ҷараёни санҷиш 234 кг маҳсулоти қаннодӣ, 400 кг макарон, 14 дал машрубот, 140 кг чой, 22 дал нӯшокиҳои спиртӣ, 24 тонна намак, 50 кг равғани пахта, 20 кг равғани растанӣ, 14 кг маҳсулоти ширӣ ғайристандартӣ дониста шуда, барои санҷиш ба мақомоти ҳифзи хуқуқ пешниҳод карда шуд.