Дарахтоне, ки монеа эҷод мекунанд, бурида мешаванд

Душанбе, 3 январ.(АМИТ «Ховар», Марзия Саидова).- Дар асоси санади Раёсати ҳифзи муҳити зисти пойтахт ва хулосаи комиссияи ҷамъиятӣ дарахтоне, ки ба ҷараёни корҳои навсозии кўчаи С.Айнӣ-хиёбони С.Шерозӣ (аз майдони С.Айнӣ то майдони Ғалаба) монеа пеш меоранд, бурида мешаванд. Дар робита ба ин бо мақсади истифодаи самараноки дарахтони буридашуда, шаҳрдории Душанбе қарори марбута ба тасвиб расонд, ки тибқи он дарахтони буридашуда ба мақомоти давлатии ноҳияи Шоҳмансур 150 м3, Раёсати маорифи пойтахт 130 м3 ва Раёсати тандурустии шаҳр 100 м3 тақсим карда мешаванд. Мавриди зикр аст, ки корҳои навсозии кўчаи С.Айнӣ-хиёбони Саъдии Шерозӣ то охири моҳи августи соли равон идома ёфта, фармоишгари он Муассисаи давлатии «Раёсати сохтмон, навсозӣ ва таъмири асосию ҷории роҳҳою купрӯкҳои ҳудуди марзию маъмурии шаҳри Душанбе» аст.