Даъвати ҷавонон ба хештаншиносию ватандӯстӣ

Душанбе, 29 январ. (АМИТ «Ховар», Дилшодаи Хайруллоҳ).-Дирӯз дар доираи чорабиниҳое, ки ба 20- солагии Рӯзи таъсиси Қувваҳои Мусаллаҳи Ҷумҳурии Тоҷикистон бахшида шудаанд, дар Донишкадаи ҳарбии Вазорати мудофиа вохӯрии масъулини Кумитаи ҷавонон, варзиш ва сайёҳӣ бо донишҷӯёни муассисаи мазкур доир гардид. Дар ҷараёни чорабинӣ муовини раиси кумита Мавсума Муинова ва масъули бахши ватанпарастӣ Иброҳим Мирзоев ширкат варзида, доир ба масоили мухталифи марбут ба самти ватанпарастӣ сухан гуфта, таъкид карданд, ки ҳадаф аз баргузории чорабиниҳо баланд бардоштани ҳисси ватандӯстӣ ва ифтихори миллии насли ҷавон аст, зеро рушди иқтисодию иҷтимоӣ, сиёсию фарҳангии ҷомеаи мо аз ҷавонони бомаърифат ва хештаншиносу ватандӯст вобастагӣ дорад.Ёдовар мешавем, ки масъулини кумита 29 январ бо афсарону сарбозони Гвардияи миллӣ мулоқот мекунанд.