«Экологияи сиёсии Тошканд» соҳиби мукофот шуд
Душанбе, 11 январ.(АМИТ «Ховар», Марзия Саидова).-Дар палатаи поёнии парлумони мамлакат -Маҷлиси намояндагон озмуни мақолаи беҳтарин дар мавзўи экология ҷамъбаст гардид. Дар асоси натиҷаҳои озмун мақолаи Анвар Камолиддинов «Мушкилоти обию энергетикии Осиёи Марказӣ ва нақши Тоҷикистон дар ҳалли он» ҷои аввали озмунро соҳиб гардида, бо 800 сомонӣ сарфароз гардонида шуд. Мақола ба мушкилоти феълии экологии сатҳи ҷаҳонӣ, ташаккул ва истифодаи захираҳои об дар минтақа, истифодаи ғайриоқилонаи об дар давлатҳои поёноб, омилҳои асосии хушкшавии баҳри Арал, таҳдидҳои нави ҷаҳонии экологӣ, моҳияти ҳамкориҳои минтақавӣ дар масоили об ва нақши Тоҷикистон дар ҳалли буҳрони экологии минтақа ва рушди иқтисодиёти Осиёи Марказӣ бахшида шудааст. Ҷойи дуюми озмунро мақолаҳои «Зеленой экономике — зелёный свет» ва «Водная политика и продовольственная безопасность»-и Анна Калюжная ва ҷои сеюми озмунро мақолаи «Экологияи сиёсии Тошканд», ки муаллифаш Қамари Аҳрор аст, касб карданд. Ба муаллифони мақолаҳои мазкур Амиршо Миралиев-муовини аввали раиси Маҷлиси намояндагон мукофоти нақдиро дар ҳаҷми 600 ва 400 сомонӣ тақдим намуд. Мавриди зикр аст, ки ҳадафи озмуни мазкур инъикоси воқеъбинонаи мавқеъ ва сиёсати экологии кишварамон ва ба ин восита ғанӣ гардонидани фазои иттилоотии кишвар бо мақолаҳое, ки манфиатҳои ҷумҳуриро пуштибонӣ менамоянд ва дар ин самт ҷалби рўзноманигорон, олимону коршиносон ва дигар доираҳои ҷомеаи шаҳрвандӣ ба ин мавзӯи муҳим мебошад.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






