Фарзин-беҳтарин бонкдори сол

Январь 23, 2013 09:57

Душанбе, 23 январ. (АМИТ «Ховар», Покиза Маҳмадбекова). – Директори филиали бонки «Эсхата» дар ноҳияи Ҷ. Расулов Фарзин Азимов бонкдори беҳтарини соли 2012 эътироф гардид. Ин зимни ҷамъомади кушоди фаъолони вилоят дар аввали моҳи январи соли 2013 муайян гардид. Тавре ки ба мухбири АМИТ «Ховар» аз бонки мазкур хабар доданд, муовини Сарвазири кишвар Муродалӣ Алимардон ва раиси вилояти  Суғд Қоҳир Расулзода ба бонкдори беҳтарини сол Дипломи фахрӣ, ҷом ва мукофоти пулиро ҳадя намуданд. Ёдовар мешавем, ки ба муносибати 20-солагии Иҷлосияи Шӯрои Олии ҶТ дар вилоят озмуни «Мутахассиси беҳтарини сол» эълон гардида буд, ки дар он намояндагони ҳамаи соҳаҳои хоҷагии халқи вилояти Суғд иштирок намуданд. Ғолибони озмунро аз рӯи шумораи sms-хабарҳои фиристодашуда ва варақаҳои махсуси пуркардашуда интихоб намуданд. Ф. Азимов иброз дошт, ки ба ҷуз ин нишондиҳандаҳои молиявии бонк, ба мисли сумкаи қарзӣ, гузаронидани маблағҳо, миқдори фоизи қарзҳо ва депозитҳо, инчунин соҳаи иҷтимоӣ ба назар гирифта шуданд. Соли 2013 Фарзин Азимов директори филиали бонки «Эсхата» дар шаҳри Чкалови вилояти Суғд таъйин гардид.

Январь 23, 2013 09:57

Хабарҳои дигари ин бахш

Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд
Таҳти унвони «Нақши Пешвои миллат дар ташаккул ва рушди фарҳанги миллӣ» конференсияи ҷумҳуриявӣ доир шуд