Хизматрасонӣ тавассути ширкатҳои ҳавопаймоӣ

Душанбе, 28 январ. (АМИТ «Ховар», Зарангез Латифова).-Тавассути ширкатҳои ҳавопаймоии ватанӣ ба 975, 4 ҳазор мусофир хизмат расонида шудааст, ки аз ин 422, 4 ҳазор мусофир ба ҶСК «Тоҷик Эйр», 500,2 ҳазор мусофир ба ҶДММ «Сомон Эйр» ва 52,8 ҳазор мусофир ба ҶСП «Ист Эйр» рост меояд,таъкид намуд имрӯз зимни нишасти матбуотӣ вазири нақлиёт Низом Ҳакимов. Инчунин зикр гардид, ки ҳаҷми интиқоли бору почта тавассути нақлиёти ҳавоии ватанӣ 2395 тоннаро ташкил намуд, ки 1008 тоннаи он ба ҶСК «Тоҷик Эйр» , 1345, 5 тонна ба ҶДММ «Сомон Эйр» ва 41, 5 тонна ба ҶСП «Ист Эйр» мансуб мебошад. Бояд гуфт, ки соли сипаришуда фурудгоҳҳои байналмилалии ҷумҳурӣ ҳамагӣ ба 2 млн. 233 ҳазору 780 мусофир хизмат расониданд.