Хоҳиш ҷиҳати мусоидат ба тоҷикистониён дар Сурия

Душанбе, 22 январ. (АМИТ «Ховар»).- Сафорати Ҷумҳурии Тоҷикистон дар Федератсияи Русия иттилоъ медиҳад, ки ахиран мулоқоти вазири корҳои хориҷии Федератсияи Русия Сергей Лавров бо сафирони кишварҳои ИДМ дар Маскав баргузор гардид, ки дар он Сафири Фавқулодда ва Мухтори Ҷумҳурии Тоҷикистон дар Русия Абдулмаҷид Достиев низ иштирок дошт.Ҳангоми мулоқот вазири корҳои хориҷии Русия, аз ҷумла иттилоъ дод, ки ахиран ду ҳавопаймои кишвараш ба Димишқ фиристода шудааст, то аз мавзеи муноқиша шаҳрвандони Русияро берун бароранд.Дар навбати худ, Сафири Тоҷикистон аз вазири корҳои хориҷии Русия хоҳиш кард, ки ба тоҷикистониёни муқими Сурия, дар ҳолати муроҷиати онҳо ба намояндагиҳои дипломатии Русия дар он кишвар, кӯмак намоянд.Ба ин мазмун, Сафорат бо ёддоште аз мақомоти расмии Федератсияи Русия хоҳиш намуд, то дар сурати муроҷиати шаҳрвандони Ҷумҳурии Тоҷикистон, ки муқими Сурия ҳастанд, ба Сафорати Федератсияи Русия ва консулгариҳои он дар кишвари мазкур ёриву мусоидати худро расонанд.Дар ин бора аз хадамоти матбуоти Сафорати Ҷумҳурии Тоҷикистон дар Федератсияи Русия хабар доданд.