Ифтитоҳи намоишгоҳи рассомони боистеъдод
Душанбе, 29 январ. (АМИТ «Ховар», Фарзона Достонзода).- 26 январ дар шаҳри Душанбе намоишгоҳи корҳои рассомие, ки дар асоси рӯйдодҳои воқеӣ офарида шудаанд, оғоз гардид.Асарҳои худро рассомони боистеъдоди тоҷик ва зиёиёни баландмаърифат Анна Басанова, Фаррух Қӯзиев ва ҳайати эҷодии «Хамтуалҳо» пешкаши тамошобинон гардониданд. Зӯроварии хонаводагӣ, нобаробарии иҷтимоӣ, иқтисодӣ ва фарҳангӣ, камбизоатӣ ва монанди инҳо аз мавзӯоти асосии асарҳо буданд. Корҳое, ки ба намоиш пешниҳод шудаанд, натиҷаи ҳам ба маводи назарӣ ва ҳам ба гирдоби воқеаҳои ҳақиқию шахсӣ ғӯтавар гардидани муаллифон аст, ки ҳар кадоми он дарду нуқсонҳои ҷомеаи моро ифода мекунад. Асаре бо номи «Аломатҳои пулӣ» лоиҳаи эҷодӣ ва тадқиқотии Фаррух Қӯзиев маҳсуб мешавад. Мақсади тадқиқоти мазкур аз нав офаридани асъори миллиест, ки ба ҷои шахсиятҳои барӯманди мард дар ҳар як коғази пулӣ симои занони арзандаи миллати тоҷик, чун малика Томирис, шоира Зебуннисо, инқилобгар Зайнаббибӣ, ҳунарманд Муқаддас Набиева ва дигарон таҷассум ёфтааст. Намоишгоҳ то 5 феврал идома меёбад.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






