Истеҳсоли 171 млн. дона тухм дар як сол

Душанбе, 19 январ. (АМИТ «Ховар», Фирӯза Давлатова).- Барномаи рушди соҳаи паррандапарварӣ барои пешравии соҳа такони ҷиддӣ медиҳад. Ба парвариши парранда дар миқёси ҷумҳурӣ 23 адад корхонаи паррандапарварӣ машғул аст, ки дар соли 2012 дар ин корхонаҳо саршумори парранда ба 1,5 млн. сар ва истеҳсоли тухм ба 171 млн. дона расонида шуд, ки нисбат ба соли гузашта 7296 сар парранда ва истеҳсоли тухм 18,4 млн дона зиёд мебошад.Зикр шуд, ки барои боз ҳам зиёд намудани шумораи корхонаҳои паррандапарварӣ, саршумори парранда ва истеҳсоли маҳсулоти он, пурра таъмин намудани бозори дохилӣ ва ба роҳ мондани содирот ба хориҷи кишвар аз ҷониби Президенти кишвар ба масъулини соҳа супоришҳои мушаххас дода шудааст. Дар ин бора ба мухбири АМИТ “Ховар” аз шуъбаи матбуот ва иттилооти Вазорати кишоварзӣ иттилоъ доданд.