Истеҳсоли нерӯи барқ ба 16 млрд. кВт соат расид

Душанбе, 23 январ. (АМИТ «Ховар», Музаффар Рустамов).– Дар давраи ҳисоботӣ истеҳсоли нерӯи барқ дар ҷумҳурӣ 16 млрд. 952 млн. кВт. cоатро ташкил дод, ки нисбат ба соли 2011 733,9 млн.кВт соат зиёд буда, суръати афзоиш 104, 5% таъмин карда шуд. Дар ин давра талафоти нерӯи барқ 14,1%, ҷамъоварии маблағ 92,1% ро ташкил дод. Ин нуктаро имрӯз вазири энергетика ва саноати ҶТ Гул Шералӣ дар нишасти матбуотӣ зикр намуд. Ӯ ҳамчунин афзуд, ки соли гузашта ба оилаҳои камбизоат, муассисаҳои тиббӣ ва маорифи як қатор ноҳияҳо 1200 адад таҷҳизоти барқдиҳандаи офтобӣ дастрас гардид.