Истихроҷи 2 тонна тилло дар Тоҷикистон

Январь 24, 2013 10:16

Душанбе, 24 январ. (АМИТ «Ховар», Кристина Эрлих). – Аз ҷониби корхонаҳои истихроҷи тиллои кишвар дар соли 2012 2 тоннаю 400 кг тилло истихроҷ гардид. Муассисаи асосии истихроҷкунандаи тилло ҳамоно Корхонаи муштараки тоҷикистонию чиноии «Зарафшон» боқӣ мемонад, ки зарҷӯёни он имсол 1 тоннаю 511 кг тилло истихроҷ карданд ва ин нисбат ба соли 2011 182 кг зиёд аст. Дар ҷои дуюм Корхонаи муштараки тоҷикистонию канадагии «Апрелевка» қарор дорад, ки он 442 кг 61 грамм тилло истихроҷ намудааст, ки нисбат ба соли гузашта 3 килограмм зиёд аст. Ҳарду корхона дар вилояти Суғд ҷойгиранд.   Дар соли 2013 зарҷӯёни муассисаҳои Тоҷикистон нақша доранд, ки қариб 3 тонна тилло истихроҷ намоянд. Дар ин бора зимни нишасти матбуотӣ 23 январ вазири энергетика ва саноати ҷумҳурӣ Гул Шералӣ иттилоъ дод. Ҳаҷми умумии истихроҷи нуқра дар соли 2012 1 тоннаю 767 кг 92 граммро ташкил дод, ки нисбат ба соли сипаришуда 3 кг 96 зиёдтар аст. Дар нақша аст, ки имсол наздик ба 2 тонна нуқра истихроҷ гардад. Дар ҷараёни нишасти матбуотӣ вазири энергетика ва саноати ҶТ зикр кард, ки афзоиши истеҳсоли маҳсулоти саноатӣ дар соли 2012 110,4%-ро ташкил дода, аз ҷониби тамоми муассисаҳои зерсохтори вазорат дар як сол ба андозаи 9 млрд. 797, 5 млн. сомонӣ маҳсулот истеҳсол шудааст.

Январь 24, 2013 10:16

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд