Корри Винс ба рӯзноманигорон забон меомӯзад

Душанбе, 17 январ.(АМИТ «Ховар», Марзия Саидова).-Сафорати Амрико дар Тоҷикистон дар ҳамкорӣ бо Мактаби мустақили рӯзноманигории «Тоҷикистон-асри XXI»давраи омӯзиши забони ангилисиро барои рӯзноманигорони тоҷик баргузор менамояд.   Сафо Сафаров, сарвари Мактаби мустақили рӯзноманигории «Тоҷикистон — асри XXI» дар суҳбат ба хабарнигори АМИТ «Ховар» гуфт, ки дар ҷараёни баргузории давраи омӯзиши забони англисӣ омӯзгори баландихтисоси забони англисӣ аз Амрико Корри Винс ба рӯзноманигорон дарс медиҳад. Хадаф аз ташкили чунин давраи омӯзишӣ баланд бардоштани савияи забондонии рӯзноманигорони тоҷик буда, дарсҳо дар як ҳафта се маротиба дар гуруҳҳои ибтидоӣ, давомдиҳанда ва пешқадам гузаронида мешаванд. Баъди хатми давраи омӯзишӣ ба иштирокдороне, ки таҳсилро бомуваффақият анҷом медиҳанд, гувоҳнома супорида мешавад.