М. Маҳмадаминов: 30 нафар маъюб бо кор таъмин гардид

Душанбе, 18 январ. (АМИТ «Ховар», Ибодат Давлатова).- Бо мақсади бо ҷои кор таъмин намудани маъюбон дар Муассисаи давлатии «Маркази таълимии шаҳри Душанбе» сехи дӯзандагӣ бо тамоми таҷҳизоти зарурӣ ташкил шуд. Дар ин бора дар нишасти матбуотӣ вазири меҳнат ва ҳифзи иҷтимоии аҳолии Ҷумҳурии Тоҷикистон Маҳмадамин Маҳмадаминов иттилоъ дод.Дар айни замон дар он 30 нафар шаҳрванди имконияташон маҳдуд бо кор таъмин шуданд, гуфт М. Маҳмадаминов.Инчунин зикр гардид, ки дар соли сипаригашта Муассисаи давлатии «Пажуҳишгоҳи ташхис ва барқарорсозии қобилияти кории маъюбон» ба 648 нафар беморону маъюбон кӯмакҳои тиббию санитарӣ ва амбулаторӣ расонид. Шумораи беморони бистаришуда дар бахши табобатии муассиса ҳамагӣ 938 нафар мебошад, ки нисбат ба ҳамин давраи соли 2011 ба 83 нафар эҳтиёҷманд зиёдтар хизмат расонида шудааст.