М. Муродов: «Зарурат ба алифбои дигар нест»
Душанбе, 30 январ. (АМИТ «Ховар»).- Дар мавриди шарҳи мухтасари банда оид ба истифодаи ҳарфҳои «у» ва «ӯ», ки рӯзи 28 январи соли 2013 бо хабарнигорон сурат гирифт, дар расонаҳои хабарӣ баъзе нофаҳмиҳо ба миён омадааст.Дар нишасти матбуотӣ ман ба саволи хабарнигор дар хусуси гузаштан ба алифбои форсӣ чунин посух дода будам: «Зеботарин ҷавобро оид ба ин масъала Сарвари давлат баён карда буданд». Яъне, имрӯз барои гузаштан ба ин ҳуруф ягон зарурат вуҷуд надорад. Қобили тазаккур аст, ки роҷеъ ба ин масъала хабарнигорон борҳо ба кумита муроҷиат карда буданд ва посух ҳам гирифтаанд, ки кумита имрӯз гузаштан ба алифбои ниёгонро зарур намешуморад. Мавқеи банда низ ҳамин аст. Он чи ки ман дар иртибот ба омӯзиши алифбои ниёгон дар суҳбат бо хабарнигор изҳор доштам, фикри шахсии ман буд. Манзурам ин буд, ки донистани хатти ниёгон ба баҳсҳо ва мушкилот дар мавриди имлои ҳарфи «ӯ» хотима мебахшад. Ҳамчунин шарҳи банда дар мавриди истифодаи ҳарфи «ӯ» ҳаргиз маънои онро надошт, ки имрӯз ин ҳарф аз алифбо хориҷ карда шавад. Шояд ҳангоми суханронӣ ман фикри худро чандон дақиқ ифода карда натавониста бошам, аммо гуфтаҳои ман ба он калимаҳое тааллуқ дошт, ки таърихан «у»-и кӯтоҳ доранду имрӯз бо «ӯ»-и дароз навишта мешаванд. Дар ин бора Маҳмад Муродов, мудири бахши экспертизаи забоншиносии Кумитаи забон ва истилоҳоти назди Ҳукумати Ҷумҳурии Тоҷикистон хабар дод.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






