Мавсими Ҳаҷ – 2013 оғоз гардид
Душанбе, 14 январ. (АМИТ «Ховар», Дилшодаи Хайруллоҳ).- Ҳамасола барои беҳтар намудани сатҳу сифати ташкили ҳаҷ Кумитаи корҳои дини назди Ҳукумати Ҷумҳурии Тоҷикистон тамоми тадбирҳои заруриро меандешад, то ин ки барои ҳаҷравандагон шароити беҳтари хизматрасониҳоро тақдим намояд. Имсол ба хотири сипарӣ намудани мавсими Ҳаҷ-2013 Кумита тасмим гирифтааст,ки қабули ҳуҷҷатҳои ҳаҷравандагонро нисбат ба соли гузашта барвақттар ба роҳ монад, то ин ки зоирин фурсати бештаре дошта бошанд,ки барои ҷо ба ҷо намудани ҳуҷҷатҳои худ ва супоридани онҳо ба мақомоти иҷроияи ҳакимияти давлатии шаҳру вилоятҳо сари вақт омодагӣ гиранд. Қабули ҳуҷҷатҳои ҳаҷравандагон аз нимаи дуюми моҳи январи соли ҷорӣ оғоз гардида, то охири моҳи феврал идома меёбад ва на дертар аз 10 –уми моҳи март ҳуҷҷатҳои зоирин ба Кумитаи корҳои дини назди Ҳукумати Ҷумҳурии Тоҷикистон пешниҳод мешавад. Бояд зикр намуд, ки ҳаҷравандагон тибқи навбат имконияти ба ҳаҷ рафтанро доранд ва нафарони ҳуҷҷатсупоранда дар сурати кофӣ набудани ҳиссаи шаҳр ва ё ноҳияи худ метавонанд ҳуҷҷатҳояшонро барои солҳои оянда дар навбат гузоранд.
27 июл дар Донишгоҳи давлатии тиҷорати Тоҷикистон ва Донишгоҳи славянии Тоҷикистон-Русия нишасти матбуотӣ баргузор мегардад
Донишгоҳи давлатии Бохтар ҳамкории байналмилалиро бо муассисаҳои хориҷӣ густариш медиҳад
Шаҳрвандон ва соҳибкорон тавассути ПОС – терминалҳо ва ҳамёнҳои электронӣ 3,7 миллион амалиёти ғайринақдӣ анҷом доданд
Имрӯз дар баъзе ноҳияҳои Тоҷикистон чангу ғубор боқӣ мемонад
Имрӯз дар доманакӯҳҳои Тоҷикистон ҳаво то 34 дараҷа гарм мешавад
Дар ду басти истироҳатгоҳи «Дурахшон» 230 нафар кӯдакону наврасон ба фароғат фаро гирифта шуданд
Имрӯз дар водиҳои Тоҷикистон ҳаво то 32 дараҷа гарм мешавад
