Муаррифӣ: «Эмил ва ё дар бораи тарбият»

Январь 16, 2013 17:53

Душанбе, 16. (АМИТ «Ховар», Раъно Нусратуллоева).-Тавре ки аз Академияи таҳсилоти Тоҷикистон ба мухбири АМИТ «Ховар» хабар доданд, 17 январи соли равон дар Академияи таҳсилоти Тоҷикистон муаррифии китоби маорифпарвари Фаронса Жан Жак Руссо «Эмил ва ё дар бораи тарбият» бо ширкати донишмандон ва олимони шинохта баргузор мегардад. Китоби мазкур аз ҷониби Академияи таҳсилоти Тоҷикистон, бо ташаббуси академики Академияи таҳсилоти Тоҷикистон Ирина Каримова ва профессор Сафар Сулаймонӣ ба табъ расидааст.  Жан Жак Руссо (1712-1778) яке аз бузургтарин мутафаккирони олами илми маърифат маҳсуб мешавад. Ақидаҳои ин марди бузург ҷаҳонбинии илмиро чунон таконе додаанд, ки осори он ҳанӯз боқист. Ҳар рӯз дар мактуботи ӯ матолиби ҷадиде кашф мешавад, ки пешбинии ӯро дар масоили сиёсӣ, иҷтимоӣ ва фарҳангӣ собит мекунад. Шояд рӯзе бирасад, ки баъзе аз фарзияҳои вай, ки акнун печида ё ғалат ба назар мерасанд, равшан шавад ё таъйид гардад. Метавон гуфт, аз тамоми файласуфони қарни ҳаждаҳум Руссо ба мо наздиктар аст, яъне афкори ӯ бештар бо афкори мардуми қарни бисту якум ҳамоҳангӣ дорад. Китоби мазкур аз ҷониби Академияи таҳсилоти Тоҷикистон дар чопхонаи «Контраст» ба табъ расидааст. Китоб барои муаллимон, муҳаққиқон ва онҳое, ки ба кори таълиму тарбият машғул мебошанд, дастовез ва армуғони хубест барои такмили «Барномаи миллии рушди таҳсилот».

Январь 16, 2013 17:53

Хабарҳои дигари ин бахш

Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд