Мулоқоти О. Оқилов бо Димитрис Ситсирагос

Душанбе, 7 январ. (АМИТ «Ховар», Дилшодаи Хайруллоҳ).- Имрӯз сарвазири мамлакат Оқил Оқилов бо ноиби Президенти Корпоратсияи байналмилалии молиявӣ Димитрис Ситсирагос мулоқот кард.Ҷонибҳо дар вохӯрӣ доир ба тақвияти ҳамкориҳои дуҷониба дар бахшҳои иқтисоду молия, саноат, энергетика , нақлиёт, кишоварзӣ ва рушди инфрасохтор табодули афкор намуда, вусъат бахшидани раванди татбиқи лоиҳаҳои ҳамкориҳоро дар ин самт муҳим арзёбӣ намуданд.Зимни мулоқот ҳамзамон доир ба афзун намудани раванди расонидани кӯмакҳои техникӣ ва маслиҳатҳои машваратӣ барои татбиқи лоиҳаҳои азхудкунии захираҳои канданиҳои фоиданоки Тоҷикистон ва ба роҳ мондани ҳамкориҳо дар соҳаи тиҷорати кишоварзӣ ва коркарди маҳсулоти хоҷагии кишлоқ таваҷҷуҳ зоҳир шуд.Дар мулоқот ҳамзамон масоили дигари марбут ба ҳамкориҳои дуҷониба ва бисёрҷонибаи Ҷумҳурии Тоҷикистон ва Корпоратсияи байналмиллалии молиявӣ мавриди баррасӣ қарор дода шуд.