Мулоқоти Ш. Раҳимзода бо А. Қурбонова

Душапнбе, 30 январ. (АМИТ «Ховар», Покиза Маҳмадбекова). – Вазири рушди иқтисод ва савдои Ҷумҳурии Тоҷикистон Шариф Раҳимзода 29 январи соли равон бо ҳайати намояндагони Туркманистон таҳти роҳбарии муовини вазири савдо ва робитаҳои иқтисодии хориҷии ин кишвар Айной Қурбонова вохӯрӣ намуд. Ба мухбири АМИТ «Ховар» аз хадамоти матбуотии вазорат иттилоъ доданд, ки дар мулоқот ҷонибҳо оид ба ҳамкориҳо дар соҳаҳои иқтисод ва тиҷорат, ташкили бизнес-форумҳо, намоишгоҳҳои тиҷоратӣ, инчунин содироти маҳсулоти хоҷагии қишлоқ, мубодилаи таҷрибаи мутахассисон дар соҳаҳои афзалиятнок мубодилаи афкор намуданд. Дар интиҳои мулоқот ҷонибҳо атрофи масъалаҳои ҷорӣ ва дурнамои ҳамкориҳои мутақобилан судманд баҳри рушди соҳаҳои мухталифи иқтисоди миллӣ ибрози назар намуданд.