Муносиботи Тоҷикистону Ӯзбекистон бо роҳи гуфтушуниди мусолиматомез беҳ мегардад
Душанбе, 16 январ.(АМИТ «Ховар», Марзия Саидова).-«Мушкилот дар равобити ду кишвари ҳамсоя-Тоҷикистону Ӯзбекистон дар он сатҳе нест, ки мо аз он воҳима созем», мегӯяд Худойбердӣ Холиқназаров, муовини аввали раиси Маркази тадқиқоти стратегии назди Президенти Чумҳурии Тоҷикистон. Мавсуф зикр кард, ки дар минтақа кишварҳое ҳастанд, ки муносибатҳояшон бо ҳамдигар аз ин ҳам сардтар аст. Мушкилот миёни Тоҷикистону Ӯзбекистон дар мавриди интиқоли гази табиӣ аз кишвари ҳамсоя ба Тоҷикистон ҳамасола пайдо мешавад ва он тавассути гуфтушунидҳои намояндагони комиссияҳои муштараки байнидавлатӣ роҳи ҳалли худро пайдо менамояд. Намояндаи масъули ниҳоди тадқиқоти стратегии кишвар таъкид кард, ки воқеан дар муносиботи Душанбею Тошканд мушкилот вуҷуд дорад ва мо онро эътироф мекунем. Бо вуҷуди ин раҳбарияти ҳукумат ва давлати Тоҷикистон саъйю талош менамояд, ки бо кишварҳои ҳамҷавор робитаҳои нек дошта бошад ва бо ҳусни тафоҳум муносибат намояд. Назар ба андешаи коршиносони масоили сиёсӣ муносиботи сардгаштаи Душанбею Тошкандро танҳо бо роҳи гуфтушуниди мусолиматомез сари мизи музокирот тавассути иродаи сиёсии сарони ҳар ду кишвари ҳамҷавор метавон нарм кард. Дар ин росто Худойбердӣ Холиқназаров афзуд, ки самти пешгирифтаи сиёсати хориҷии Чумҳурии Тоҷикистон, ки сиёсати дарҳои боз аст, барои рушди дурнамои давлатамон ва таҳкими субот дар минтақа, густариши ҳамкориҳои мутақобилан судманд , тақвияти дӯстиву рафоқат, ҳусни ҳамҷаворӣ ва ҳамгироӣ бо тамоми кишварҳои минтақа ва ҷаҳон афзалияти бештар дорад.








МегаФон Тоҷикистон: МегаҚувва гигабайтҳоро дучанд менамояд
Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад






