Мусодираи 21,5 кило маводи мухаддир

Январь 23, 2013 16:35

Душанбе, 23 январ. (АМИТ «Ховар», Ибодат Давлатова).-Кормандони Агентии назорати маводи нашаъовари назди Президенти Ҷумҳурии Тоҷикистон бо роҳандозии як амалиёти бобарори фаврӣ садди роҳи интиқоли беш аз 21 кило маводи мухаддир ба Федератсияи Русия шуданд. Тавре ки ба мухбири АМИТ «Ховар» аз агентии мазкур иттилоъ доданд, ин амалиёт муддати дурудароз тарҳрезӣ мешуд ва ҳаракати як гуруҳи гумонбар ба ширкат дар муомилоти ғайриқонунии маводи мухаддир мавриди пайгирӣ қарор гирифта буд. Ниҳоят, 21 январи соли равон марҳилаи ниҳоии амалиёти мазкур дар қаламрави ноҳияи Восеи вилояти Хатлон анҷом гирифт ва дар наздикии деҳаи Ибрат бо гумони қочоқи маводи мухаддир ду нафар аз ҷумлаи шаҳрвандони Тоҷикистон ва Афғонистон, ки ҳар кадом аз 27 сол беш надоштанд, боздошт гардиданд. Аз дастгиршудагон ду халтаи полиэтиленӣ ошкор ва мусодира шуд, ки дар дохилашон 27 бастаи селофании дорои маводи хокистарӣ бо бӯи махсус доштанд. Ҳамчунин як брикети растаниасл низ кашф гардид. Ба гуфти манбаъ, озмоишгоҳи ташхиси судии агентӣ собит кардааст, ки 20,5 килои маводи мусодирашуда афюн буда, наздик ба 1 килои он ҳашиш мебошад. Дар маҷмуъ аз боздоштшудагон 21,5 кило маводи мухаддир забт гардидааст. Аз рӯи ин ҳодиса парвандаи ҷиноӣ оғоз гардида ва барои шиносоӣ ва боздошти шарикони дигари гумонбарон тадбирҳо андешида шудаанд.

Январь 23, 2013 16:35

Хабарҳои дигари ин бахш

Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд