Мусодираи беш аз 2 тонна маводи мухаддир дар Хатлон

Қурғонтеппа, 30 январ. (АМИТ «Ховар», Мурод Сотиев). – Кормандони мақомоти ҳифзи ҳуқуқи вилояти Хатлон дар соли 2012 2 тоннаю 864 кг маводи мухаддирро мусодира карданд. Назар ба қавли сардори раёсати Агентии назорати маводи нашъаовари назди Президенти Ҷумҳурии Тоҷикистон дар вилояти Хатлон Зафар Сайфуллоев дар соли 2011 1 тоннаю 852 кг маводи мухаддир мусодира гардид. Рақамҳо нишон медиҳанд, ки мусодираи маводи мухаддир дар соли 2012 хеле афзудааст. Аз ин шумора 215 килограмми он аз ҷониби кормандони раёсати Агентии назорати маводи нашъаовар дар вилояти Хатлон мусодира шудааст.Қобили зикр аст, ки дар соли гузашта дар вилояти Хатлон 1159 нафар нашъаманд ба қайд гирифта шудааст, ки нисбат ба соли 2011 хеле камтар аст.