Мутобиқгардонии боз як қонун ба талаботи СУС
Душанбе, 28 январ.(АМИТ «Ховар», Марзия Саидова).- Интизор меравад, ки дар ояндаи наздик палатаи поёнии парлумони мамлакат лоиҳаи қонунҳои Ҷумҳурии Тоҷикистон «Дар бораи танзими давлатии истеҳсол ва муомилоти спирти этилӣ, машрубот ва маҳсулоти спиртдор»-ро қабул намояд. Масъалаи мазкурро 28 январ аъзои Шӯрои Маҷлиси намояндагон дар ҷаласае, ки таҳти раёсати Шукурҷон Зуҳуров-раиси Маҷлиси намояндагон баргузор гардид, баррасӣ намуданд. Амир Катаев-раиси кумитаи палатаи поёнии парлумони мамлакат ин масъаларо тавзеҳ дода гуфт, ки лоиҳаи Қонуни Ҷумҳурии Тоҷикистон «Дар бораи танзими давлатии истеҳсол ва муомилоти спирти этилӣ, машрубот ва маҳсулоти спиртдор» бо мақсади аз байн бурдани мухолифати байни меъёрҳои қонунҳои амалкунанда ва мутобиқгардонии он ба меъёрҳои қонунҳои Ҷумҳурии Тоҷикистон «Дар бораи санадҳои меъёрии ҳуқуқӣ», «Дар бораи забони давлатии Ҷумҳурии Тоҷикистон» ва ба талаботи Созмони Умумиҷаҳонии Савдо, инчунин ҷиҳати танзими давлатии истеҳсол ва муомилоти спирти этилӣ, машрубот ва маҳсулоти спиртдор, ҳифзи саломатӣ, ҳуқуқу манфиатҳои қонунии шаҳрвандон ва таъмини бехатарии маҳсулот ва риояи меъёру қоидаҳо ҳангоми истеҳсоли онҳо таҳия шудааст. Лоиҳаи қонуни мазкур бевосита муносибатҳои ҷамъиятиро вобаста ба истеҳсол ва муомилоти спирти этилӣ, машрубот ва маҳсулоти спиртдор муайян намуда, муносибатҳои истеҳсолию истеъмолии байни шахсони воқеӣ ва ҳуқуқиро дар ин соҳа танзим менамояд.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






