Нақшаи генералии Вахшу Сарбанд ба итмом расид

Душанбе, 16 январ. (АМИТ «Ховар», Мавзуна Бойева). – «Имрӯзҳо дар пажуҳишгоҳҳои лоиҳакашии Агентии сохтмон ва меъмории назди Ҳукумати ҶТ таҳия ва тасҳеҳи нақшаҳои генералии шаҳрҳои Исфара 60 фоиз, Конибодом 95 фоиз, Панҷакент 65 фоиз, Истиқлол 95 фоиз, маркази ноҳияи Дарвоз 95 фоиз, Муъминобод 50 фоиз, Темурмалик 60 фоиз, Вахш ва Сарбанд 100 фоиз, Ҷилликӯл 90 фоиз ба итмом расидаанд», зикр намуд зимни нишасти матбуотӣ Абдувалӣ Комилов, директори Агентии сохтмон ва меъмории ҶТ. Мавсуф ҳамчунин афзуд, ки дар давраи ҳисоботӣ лоиҳаи Кодекси шаҳрсозии ҶТ бо назардошти талаботи имрӯзаи шаҳрсозӣ аз тарафи Маҷлиси намояндагони Маҷлиси Олии ҶТ ва Маҷлиси миллии Маҷлиси Олии ҶТ ҷонибдорӣ гардида, аз ҷониби Президети ҶТ 28 декабри соли 2012 ба имзо расид.