Нашри 93 ҳазору 500 нусха китоб бо дастгирии Президент

Душанбе, 31 январ. (АМИТ «Ховар», Баҳманёр Муродов). — Соли гузашта нашриёти «Адиб» аз ҳисоби мабалғҳои президентӣ 42 номгӯй китоб ба нашр расонид, ки арзиши умумии онҳо як миллиону ёздаҳ ҳазору ҳафтоду ҳафт сомониро ташкил медиҳад.   «Китобҳое, ки бо дастгирии Сарвари Давлат интишор ёфтаанд, сифати баланд доранд ва аз нигоҳи мундариҷаву муҳтаво низ ҷолибу рангинанд», — мегӯяд мутахассиси шуъбаи истеҳсолоти ин нашриёт Истадой Шоева. Ҳамчунин нашриёти «Адиб» дар соли гузашта аз ҳисоби даромадҳои дохилӣ 37 номгӯй ва аз ҳисоби тамға 15 номгӯй китобро ба чоп расонид. Истадой Шоева илова намуд, ки онҳо мақсад доранд дар соли ҷорӣ нашри китобҳоро афзуда, сифати чопи онҳоро низ баланд бардоранд.