Нигора донишҷӯи Консерваторияи Урал шуд

Январь 23, 2013 16:35

Душанбе, 23 январ. (АМИТ «Ховар», Раъно Нусратуллоева).- Дар соли таҳсили 2012-2013 84 нафар ба Консерваторияи миллии Тоҷикистон ба номи Т.Сатторов дохил гардиданд, гуфт зимни нишасти матбуотӣ ректори Консерваторияи миллӣ Раҷабмад Амиров 23 январ. Дар соли сипаригашта 64 нафар Консерваторияро хатм намуданд, ки се нафари онҳо сазовори дипломи аъло гаштанд. Ба тариқи гузариш ба курси 1-уми созҳои оркестрии Консерваторияи давлатии Урал ба номи Мусоргскии Федератсияи Русия Нигора Ҳалимова дохил шуд. Шартномаи идомаи ҳамкорӣ бо Донишгоҳи фарҳанг ва санъати шаҳри Маскав ва Академияи фарҳанг ва санъати шаҳри Кемероваи Федератсияи Русия ба имзо расид, гуфт Раҷабмад Амиров. Лоиҳаҳои инвеститсионӣ аз ҷониби вазоратҳо ва созмонҳои хориҷӣ амалӣ гашта, дар мустаҳкам намудани базаи моддию техникии Консерватория ва тайёр намудани кадрҳои мусиқии касбӣ саҳми назаррас гузоштанд. Барои беҳтар шудани сатҳи дониш аз ҷониби Вазорати рушди иқтисод ва савдо китобхонаи электронӣ ба фаъолият шуруъ намуд. Ҳаҷми умумии маблағгузорӣ дар соли 2012 аз ҳисоби ҳамаи сарчашмаҳои молиявӣ 3 миллиону 403 ҳазору 699 сомониро ташкил медиҳад, ки тибқи буҷаи тасдиқнамуда мақсаднок истифода шудааст.

Январь 23, 2013 16:35

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд